Ekainak 5, igandea. URREAGAKO HAITZA, Bedaio.
Kaixo mendizaleok!
Datorren igandean, ekainak 5, URREAGAKO HAITZA ezagutzera joango gara, Bedaiotik abiatuta."Askorentzat ezezaguna den Tolosako auzo txiki bezain eder honek, ibilbide zoragarria eskaintzen digu Arrubi eta Balerdi mendien magaletan. Hainbat laborantzaz eta baserriz osatutako paisaia dugu Bedaio ingurukoa. Garai bateko herrixken adibide da. Balerdiren itzalpean, Nafarroaren eta Gipuzkoaren arteko mugara hurbilduz, Aralarrek Nafarroa aldetik duen ikuspegi bortitz bezain liluragarriaz gozatuko dugu. Azkarate gertuen hartuta Araitz bailara izango dugu parez pare, Zarateko Lepotik. Balerdi mendiaren handitasunak hunkituta, basoetan eta zelaietan barrena eramango gaituen ibilbidean jarraituko dugu."
Ez ahaztu ohiko gomendioak: mendian ibiltzeko eta garairako oinetako eta arropa egokiak eraman, baita aldatzekoak ere; goiza pasatzeko ura eta janaria. Ez ahaztu eguzkitarako babesa.
Ibilbidea zirkularra da eta haur eta guraso, elkarrekin egiteko modukoa.
- Igandean, goizeko 9:00tan elkartuko gara Urretxuko frontoian.
Ohiko moduan, gure kotxeetan joango gara, horregatik ahal duenak ekartzea eskertuko genuke. Ezin ezean, lasai etorri, normalean nahikoa toki egoten bait da konpartitutako kotxeetan.
Ez ahaztu ohiko gomendioak: mendian ibiltzeko eta garairako oinetako eta arropa egokiak eraman, baita aldatzekoak ere; goiza pasatzeko ura eta janaria. Ez ahaztu eguzkitarako babesa.
Izen ematea ekainak 3 ostiralarako egitea eskertuko genuke, gainzuri.mendia@gmail.com helbidera idatziz (parte hartzaile kopurua eta haurren adina adierazi), txangoa aurrez modu egokian prestatu eta antolatu ahal izateko. Edonola ere, azken orduan agertuz gero ez legoke arazorik.
Animatuko zaretelakoan, jaso agur bana.
Info+:
